சங்கீதங்கள் 28:7-8 · TCV

சங்கீதம் 28

தாவீதின் சங்கீதம்.

யெகோவாவே, நான் உம்மை நோக்கிக் கூப்பிடுகிறேன்; சங் 143:7 சங் 18:2 சங் 88:4-6 நீதி 1:12 சங் 83:1 ஏசா 26:4 யோபு 33:28 வெளி 20:3

நீர் என் கன்மலை,

எனக்கு செவிகொடாமல் இருக்கவேண்டாம்.

நீர் மவுனமாகவே இருப்பீரானால்,

நான் சவக்குழியில் கிடக்கிறவர்களைப் போலாவேன்.

நான் உதவிக்காக உம்மை நோக்கிக் கூப்பிடும்போது, சங் 138:2 சங் 141:2 சங் 140:6 1 தீமோ 2:8 சங் 134:2 சங் 5:7 தானி 6:10 1 இராஜா 6:19

நான் உமது மகா பரிசுத்த இடத்திற்கு நேராக,

என் கைகளை உயர்த்தி

இரக்கத்துக்காக நான் கதறுவதைக் கேளும்.

தீமை செய்பவர்களுடனும் என்னை இழுத்துக்கொள்ளாதேயும்,

அவர்கள் அயலவருடன் நட்பாகப் பேசுகிறார்கள்;

ஆனால் அவர்களுடைய இருதயங்களிலோ தீங்கை வைத்திருக்கிறார்கள்.

அவர்கள் செய்த தீமைகளுக்காகவும் அவர்களுக்குப் பதில் செய்யும்;

அவர்களுடைய கைகளின் செயலுக்காக அவர்களுக்குப் பதில்செய்து,

அவர்களுக்குத் தக்க தண்டனையை அவர்கள்மீது கொண்டுவாரும்.

அவருடைய கரங்கள் செய்தவற்றுக்கும் அவர்கள் மதிப்புக் கொடாதபடியால்,

யெகோவா அவர்களை இடித்து வீழ்த்துவார்;

மீண்டும் அவர்களை ஒருபோதும் கட்டியெழுப்பமாட்டார்.

ஏனெனில் இரக்கத்துக்கான எனது கதறலை அவர் கேட்டிருக்கிறார்.

யெகோவாவே என் பெலனும் என் கேடயமுமாயிருக்கிறார்; சங் 30:11-12 சங் 56:3-4 எபே 6:10 ஏசா 61:10 ஏசா 12:2 சங் 40:3 சங் 13:5 சங் 118:6-9

என் இருதயம் அவரில் நம்பியிருக்கிறது, அவர் எனக்கு உதவி செய்கிறார்.

என் இருதயம் மகிழ்ச்சியினால் துள்ளுகிறது;

நான் அவருக்குப் பாட்டினால் துதிகளைச் செலுத்துவேன்.

யெகோவா தமது மக்களின் பெலனானவர்; சங் 20:6 சங் 140:7 ஏசா 61:1 1 சாமு 16:13 சங் 2:2

தாம் அபிஷேகித்தவருக்கு இரட்சிப்பின் கோட்டையும் அவரே.

உமது உரிமைச்சொத்தான அவர்களை ஆசீர்வதியும்;

அவர்களுடைய மேய்ப்பராயிருந்து அவர்களை என்றென்றும் தாங்கிக்கொள்ளும்.